John Anderson, My Jo

________________________________________________
Title:     John Anderson, My Jo
Author: Robert Burns [More Titles by Burns]

John Anderson, my jo, John,
When we were first acquent;
Your locks were like the raven,
Your bonie brow was brent;
But now your brow is beld, John,
Your locks are like the snaw;
But blessings on your frosty pow,
John Anderson, my jo.

John Anderson, my jo, John,
We clamb the hill thegither;
And mony a cantie day, John,
We've had wi' ane anither:
Now we maun totter down, John,
And hand in hand we'll go,
And sleep thegither at the foot,
John Anderson, my jo.

[The end]
Robert Burns's poem: John Anderson, My Jo

________________________________________________



GO TO TOP OF SCREEN