My Love, She's But A Lassie Yet

________________________________________________
Title:     My Love, She's But A Lassie Yet
Author: Robert Burns [More Titles by Burns]

My love, she's but a lassie yet,
My love, she's but a lassie yet;
We'll let her stand a year or twa,
She'll no be half sae saucy yet;
I rue the day I sought her, O!
I rue the day I sought her, O!
Wha gets her needs na say she's woo'd,
But he may say he's bought her, O.

Come, draw a drap o' the best o't yet,
Come, draw a drap o' the best o't yet,
Gae seek for pleasure whare you will,
But here I never miss'd it yet,
We're a' dry wi' drinkin o't,
We're a' dry wi' drinkin o't;
The minister kiss'd the fiddler's wife;
He could na preach for thinkin o't.

[The end]
Robert Burns's poem: My Love, She's But A Lassie Yet

________________________________________________



GO TO TOP OF SCREEN