The Braes O' Killiecrankie

________________________________________________
Title:     The Braes O' Killiecrankie
Author: Robert Burns [More Titles by Burns]

Where hae ye been sae braw, lad?
Whare hae ye been sae brankie, O?
Whare hae ye been sae braw, lad?
Cam ye by Killiecrankie, O?

Chorus.--An ye had been whare I hae been,
Ye wad na been sae cantie, O;
An ye had seen what I hae seen,
I' the Braes o' Killiecrankie, O.

I faught at land, I faught at sea,
At hame I faught my Auntie, O;
But I met the devil an' Dundee,
On the Braes o' Killiecrankie, O.
An ye had been, &c.

The bauld Pitcur fell in a furr,
An' Clavers gat a clankie, O;
Or I had fed an Athole gled,
On the Braes o' Killiecrankie, O.
An ye had been, &c.

[The end]
Robert Burns's poem: Braes O' Killiecrankie

________________________________________________



GO TO TOP OF SCREEN