My Native Land Sae Far Awa

________________________________________________
Title:     My Native Land Sae Far Awa
Author: Robert Burns [More Titles by Burns]

O sad and heavy, should I part,
But for her sake, sae far awa;
Unknowing what my way may thwart,
My native land sae far awa.

Thou that of a' things Maker art,
That formed this Fair sae far awa,
Gie body strength, then I'll ne'er start
At this my way sae far awa.

How true is love to pure desert!
Like mine for her sae far awa;
And nocht can heal my bosom's smart,
While, oh, she is sae far awa!

Nane other love, nane other dart,
I feel but her's sae far awa;
But fairer never touch'd a heart
Than her's, the Fair, sae far awa.

1792

[The end]
Robert Burns's poem: My Native Land Sae Far Awa

________________________________________________



GO TO TOP OF SCREEN