Blythe Hae I Been On Yon Hill

________________________________________________
Title:     Blythe Hae I Been On Yon Hill
Author: Robert Burns [More Titles by Burns]

Tune--"The Quaker's Wife."

Blythe hae I been on yon hill,
As the lambs before me;
Careless ilka thought and free,
As the breeze flew o'er me;
Now nae langer sport and play,
Mirth or sang can please me;
Lesley is sae fair and coy,
Care and anguish seize me.

Heavy, heavy is the task,
Hopeless love declaring;
Trembling, I dow nocht but glow'r,
Sighing, dumb despairing!
If she winna ease the thraws
In my bosom swelling,
Underneath the grass-green sod,
Soon maun be my dwelling.

[The end]
Robert Burns's poem: Blythe Hae I Been On Yon Hill

________________________________________________



GO TO TOP OF SCREEN