O Were My Love Yon Lilac Fair

________________________________________________
Title:     O Were My Love Yon Lilac Fair
Author: Robert Burns [More Titles by Burns]

Air--"Hughie Graham."

O were my love yon Lilac fair,
Wi' purple blossoms to the Spring,
And I, a bird to shelter there,
When wearied on my little wing!
How I wad mourn when it was torn
By Autumn wild, and Winter rude!
But I wad sing on wanton wing,
When youthfu' May its bloom renew'd.

O gin my love were yon red rose,
That grows upon the castle wa';
And I myself a drap o' dew,
Into her bonie breast to fa'!
O there, beyond expression blest,
I'd feast on beauty a' the night;
Seal'd on her silk-saft faulds to rest,
Till fley'd awa by Phoebus' light!

[The end]
Robert Burns's poem: O Were My Love Yon Lilac Fair

________________________________________________



GO TO TOP OF SCREEN