Ca' The Yowes To The Knowes

________________________________________________
Title:     Ca' The Yowes To The Knowes
Author: Robert Burns [More Titles by Burns]

Second Version

Chorus.-Ca'the yowes to the knowes,
Ca' them where the heather grows,
Ca' them where the burnie rowes,
My bonie Dearie.

Hark the mavis' e'ening sang,
Sounding Clouden's woods amang;
Then a-faulding let us gang,
My bonie Dearie.
Ca' the yowes, &c.

We'll gae down by Clouden side,
Thro' the hazels, spreading wide,
O'er the waves that sweetly glide,
To the moon sae clearly.
Ca' the yowes, &c.

Yonder Clouden's silent towers,^1
Where, at moonshine's midnight hours,
O'er the dewy-bending flowers,
Fairies dance sae cheery.
Ca' the yowes, &c.

Ghaist nor bogle shalt thou fear,
Thou'rt to Love and Heav'n sae dear,
Nocht of ill may come thee near;
My bonie Dearie.
Ca' the yowes, &c.

Fair and lovely as thou art,
Thou hast stown my very heart;
I can die-but canna part,
My bonie Dearie.
Ca' the yowes, &c.

[Footnote 1: An old ruin in a sweet situation at the confluence of the Clouden
and the Nith.-R. B.]

-THE END-
Robert Burns' poem: Ca' The Yowes To The Knowes

________________________________________________



GO TO TOP OF SCREEN