The Bonie Wee Thing

________________________________________________
Title:     The Bonie Wee Thing
Author: Robert Burns [More Titles by Burns]

Chorus.--Bonie wee thing, cannie wee thing,
Lovely wee thing, wert thou mine,
I wad wear thee in my bosom,
Lest my jewel it should tine.

Wishfully I look and languish
In that bonie face o' thine,
And my heart it stounds wi' anguish,
Lest my wee thing be na mine.
Bonie wee thing, &c.

Wit, and Grace, and Love, and Beauty,
In ae constellation shine;
To adore thee is my duty,
Goddess o' this soul o' mine!
Bonie wee thing, &c.

[The end]
Robert Burns's poem: Bonie Wee Thing

________________________________________________



GO TO TOP OF SCREEN