Gude Ale Keeps The Heart Aboon

________________________________________________
Title:     Gude Ale Keeps The Heart Aboon
Author: Robert Burns [More Titles by Burns]

Chorus-O gude ale comes and gude ale goes;
Gude ale gars me sell my hose,
Sell my hose, and pawn my shoon-
Gude ale keeps my heart aboon!

I had sax owsen in a pleugh,
And they drew a' weel eneugh:
I sell'd them a' just ane by ane-
Gude ale keeps the heart aboon!
O gude ale comes, &c.

Gude ale hauds me bare and busy,
Gars me moop wi' the servant hizzie,
Stand i' the stool when I hae done-
Gude ale keeps the heart aboon!
O gude ale comes, &c.

-THE END-
Robert Burns' poem: Gude Ale Keeps The Heart Aboon

________________________________________________



GO TO TOP OF SCREEN