The Highland Balou

________________________________________________
Title:     The Highland Balou
Author: Robert Burns [More Titles by Burns]

Hee balou, my sweet wee Donald,
Picture o' the great Clanronald;
Brawlie kens our wanton Chief
Wha gat my young Highland thief.

Leeze me on thy bonie craigie,
An' thou live, thou'll steal a naigie,
Travel the country thro' and thro',
And bring hame a Carlisle cow.

Thro' the Lawlands, o'er the Border,
Weel, my babie, may thou furder!
Herry the louns o' the laigh Countrie,
Syne to the Highlands hame to me.

-THE END-
Robert Burns' poem: The Highland Balou

________________________________________________



GO TO TOP OF SCREEN